ცხოვრება მშვენიერია ⇨ "დაიკიდე" პრობლემები

ცხოვრება მშვენიერია
კეთილი იყოს თქვენი მობრძანება სიახლეში, - სადაც ცხოვრება მშვენიერია მისი ყოველმხრივი გამოვლინებით. მე არ დავიწყებ კამათსა და იმის მტკიცებას, თუ რაში მდგომარებს ცხოვრების არსი. მე უბრალოდ მსურს, რომ ფართოდ გაახილოთ თვალები, მიმოიხედოთ ირგვლივ და დატკბეთ ცხოვრებით. ირგვლივ ყველაფერი მშვენიერია.
ჩვენ ბავშვობიდან გვასწავლიან იმას, რომ ყოველივე საუკეთესო, მხოლოდ წინ გველოდება. (გახდები ზრდასრული, დაამთავრებ უნივერსიტეტს და იქნები დამოუკიდებელი, თვითყოფად მიიღებ გადაწყვეტილებებს)

ამის შემდეგ ცხოვრებაში უკვე ჩვენ თავადვე ვიქმნით მიზნებს, რომლისკენაც ასე თუ ისე მივისწრაფვით. გვეკისრება ახალ-ახალი ვალდებულებები- :სწავლა, განათლება, უზრუნველყოფილი მომავალი და ოჯახი. 
მრავალი წლის შემდეგ კი ამ საკითხზე ნათელი წარმოდგენა გვიჩნდება და ვხდებით, რომ ის "ხვალ" უკვე დადგა, ყველაფერი კარგი უკვე მოხდა, ისე რომ ჩვენ ვერც კი შევამჩნიეთ.
დაიხსომეთ რომ : ცხოვრების წამითაც გაჩერება, მისი უკან დაბრუნება და თავიდან ცხოვრება არ შეიძლება. ამიტომდააფასეთ თქვენი ცხოვრების თითოეული დღე - ის შესანიშნავი და იდეალურია. ყოველივე კარგი ხდება დღეს, ახლა, და არა როდესღაც! გჯეროდეთ და გწამდეთ არა ნათელი მომავლის, არამედ დღევანდელი დადებითი და პოზიტიური დღის.

ადამიანი თავისი ბუნებით - კომიკური, უცნაური და სასაცილო ქმნილებაა. მას ძალუძს პრობლემები შექმნას იქაც კი, სადაც ისინი არ არსებობს. სწორედ ამით წამლავს იგი ყოველივე პოზიტიურს.
მოვლენები, რომლებიც ხდება ჩვენს ცხოვრებაში, თავად ხდება ნეიტრალური. - ჩვენ მას გარკვეული საღებავის ფერით ვხატავთ. და მართლაც სამყაროში არსებობს ერთი ფუნდამენტური კანონი - კარგი მიისწრაფვის საუკეთესოსკენ.
თქვენ იკითხავთ რა არის იმაში სასიხარულო როდესაც ქვეყანაში ასეთი პრობლემებია: უმუშევრობა, ეკონომიკური კრიზისი, ფასების ზრდა.... და ა.შ. ან თუნდაც უთანხმოება პირად ცხოვრებაში. კი ეს ასეა, მაგრამ მოდით შევცვალოთ ჩვენს ცხოვრებაში რაღაც, რათა თავი ავარიდოთ: პრობლემებს , შიშსა და დეპრესიას.

საიდან დავიწყოთ? ყველაზე მარტივით :
ϟშეცვალე შენი ნეგატიური დამოკიდებულება პოზიტიურით. 
ϟდასაწყისისთვის ეცადე განთავისუფლდე უარყოფითი ემოციისგან, ანუ უნდა შეწყვიტო თავის ყოველდღიური გამოტუმბვა უარყოფითი ინფორმაციითა და ფიქრებით.
ϟშეწყვიტე შენს ირგვლივ არსებული ვითარების კრიტიკა.
ϟშეეცადე ისიამოვნო და შენიშნო ყველაზე მარტივი ნივთები და მოვლენები.
ϟშეეცადე საყვარელი ადამიანები სიურპრიზებით გაანეიბივრო..

ალბათ არ არსებობს, ისეთი ადამიანი, რომელსაც ცხოვრებაში ერთხელ არ დაუსვამს საკითხი " როგორ დავიწყო ახალი ცხოვრება..? ცხოვრების თეთრი ფურცლიდან დაწყება - როგორ არარეალურადაც არ უნდა ჟღერდეს, მაინც შესაძლებელია. ზოგიერთი ადამიანი ახერხებს ამის გაკეთებას, ზოგიერთი ვერა. თუ ცხოვრების ახლიდან დაწყების სურვილი გაჩნდა, მაშინ არ ღირს მისი იგნორირება. ეს იმაზე მეტყველებს, რომ მოცემულ მომენტში თქვენ უკმაყოფილო ხართ საკუთარი თავით ან რაღაცით. ღირს თუ არა იმ რაღაცის შეცვლა რაც შენ გაწუხებს?
რა თქმა უნდა ღირს! და თუ თქვენ გადაწყვიტეთ ახალი ცხოვრების დაწყება, მე შევეცდები დაგეხმაროთ ამაში და გაგიმხილოთ ისეთი საიდუმლოები, რომელიც რაც შეიძლება სწრაფად და უმტკივნეულოდ განხორციელდება. მაშ ასე დაიმახსოვრეთ შემდეგი წესები, თუ როგორ უნდა დაიწყოთ ახალი ცხოვრება:

არ შეგეშინდეთ წარსულის დავიწყება.
ბევრისთვი ეს არის მთავარი პრობლემა, რომ ხვალინდელი დღის დაწყება სულ სხვაგვარად მოხდება. და ის რომ იყოს უფრო უარესი? არა მერწმუნეთ ნამდვილად არ იქნება!. თუ თქვენ დიდი ოპტიმიზმითა და რწმენით მიუდგებით ამ საკითხს, თუ როგორ დავიწყოთ ახალი ცხოვრება, ეს მოგიტანთ თქვენ მხოლოდ დადებით ემოციებს, სიურპრიზებსა და ახალი სასწავლო გამოცდილებას. მთავარი ფაქტორი, რომელმაც არანაირი ეჭვი არ უნდა დატოვოს ეს ის არის რომ წარსულში დაბრუნება თქვენ ყოველთვის შეგეძლებათ. ის თქენგან არსად წავა დამიჯერეთ! ხოლო ახალი ცხოვრების დაწყება მაინც ღირს! - იმიტომ რო ცვლილებები შეიძლება იყოს უფრო მიმზიდველი, ვიდრე თქვენ გაქვთ ამჟამად.

ჩამოწერეთ პრობლემბის სია,
ჩამოწერეთ პრობლემბის სია, რომლისაგანაც თქვენ სამუდამოდ განშორება გსურთ. ყურადღებით წაიკითხეთ იგი, შეიგრძენით ყველა მხრიდან არსებული უკმაყოფილება და დაწვით ის! მორჩა პრობლემები აღარ არის ისინი დარჩნენ წარსულში! რა თქმა უნდა, ეს არის წმინდა ფსიქოლოგიური მეთოდი, იმიტომ რომ მისი "გადახაზვა" ნიშნავს, პრობლემების გულიდან და ფიქრებიდან ამოშლას.

მოძებნეთ ახალი ჰობი
ძალზედ ხშირად სწორედ ჰობს შეუძლია ადამიანის გადარჩენა დეპრესიასა და მწუხარებისგან. ამიტომ ახალი გატაცება -არის სავალდებულო პუნქტი იმათ ცხოვრებაში, ვისაც სურს იცოდეს, თუ როგორ შეიძლება ახალი ცხოვრების დაწყება.განსაკუთრებით კარგია ექსტრემალური ჰობი - სადაც მთლიანად შეგიძლიათ დაგროვილი უარყოფითი ემოციისაგან განთავისუფლება. ურიგო არ არის ასევე "მშვიდი" ჰობი, მთავარია ინტერესები. ქსოვა, ძერწვა ან ქარგვა - მსგავსი გატაცებები მედიტაციის მხრივ, იდეალურია ნერვული სისტემის დასამშვიდებლად და უშუალოდ გონების წარმართვა სწორი მიმართულებით.

გაიცანით ახალი ადამიანები
შეიძინეთ ახალი მეგობრები. ემოციებს, რომელსაც მიიღებთ ახალ კამპანიასთან კონტაქტში, დაგეხმარებათ თქვენს ცხოვრებაში გარკვეული ცვლილებების მოსახდენად. ეწვიეთ კლუბებს ინტერესის მიხედვით (როგორც ხედავთ, ეს პუნქტიპირდაპირ კავშირშია წინასთან. ახალი გატაცებები, ახალი წრე) ეს იმას არ ნიშნავს, რომ ახალი ცხოვრების დაწყება მოითხოვს ურთიერთობის გაწყვეტას ძველ მეგობრებთან და ნაცნობებთან. მხოლოდ იმათთან ვინც გიქმნიდათ პრობლემებს თქვენს წარსული ცხოვრებაში.

შეიცვალეთ თქვენი გარეგნობა
ტყუილად არ ამბობენ რომ გარეგნობის შეცვლა ახალი ცხოვრების დაწყებას ნიშნავს. არა ჩვენ მხედველობაში არ გვაქვსრადიკლური ცვლილებები. - მაგრამ თუ თქვენ გაქვთ დიდი სურვილი ამისა, მაშინ შეგიძლიათ უყოყმანოდ განახორციელოთ იგი. განაახლეთ თქვენი ვარცხნილობა, აარჩიეთ ახალი მაკიაჟი, შეიცვალეთ ჩაცმულობის სტილი.დაეკითხეთ ან გაიარეთ კონსულტაცია სტილისთთან ან დიზაინერთან გარეგნობის შეცვლასთან დაკავშირებით. შეიძლება გგონიათ, რომ ეს პუნქტი ეხება მხოლოდ გოგონებს, მაგრამ მსგავსი ცვლილებები მამრობითი სქესის წარმომადგენლებსაც არ აწყნდათ.

ისწავლეთ წარსულის შეცდომებზე
ისწავლეთ წარსულის შეცდომებზე და აღარ გადადგათ ერთი და იგივე ნაბიჯები. რა თქმა უნდა თქვენ იმიტომ არ შეიტყვეთ, თუ როგორ უნდა ახალი ცხოვრების დაწყება, რომ გაიმეოროთ მსგავსი ქმედებები, რაც წარსულში. ამისათვის იმ გამოცდილების შეხსენებაა საჭირო, რომ ისწავლოთ წარსულის ანუ თქვენს შეცდომებზე. "ეს იყო ჩემს ცხოვრებაში, როდესაც მე მოვიქეცი არასწორად, ახლა გავაკეთებ სწორ არჩევანს" - სწორედ ასე უნდა დაიწყოთ ფიქრი.

ცხოვრება ხელახლად - არ არის ადვილი. ეს არ ხდება ერთ დღეში. ეს არის საკუთარ თავზე ხანგრძლივად მუშაობის შედეგი. და მაინც ღირს ხელახლა ყველაფერი? ნებისმიერ შემთხვევაში ღირს ნუ მოგერიდებათ და ნუ გეშინიათ - იმედი მაქვს ახალი ცხოვრება მოგიტანთ დიდ ბედნიერებას.

Unknown Pleasures♥

საინტერესო ფაქტები

ლეონარდო დიკაპრიო საშინლად არაჰიგიენურია, ის საერთოდ არ მოიხმარს დეზედორს
ზეთისხილის ხეს შეუძლია 1500 წელი იცხოვროს.
კლეოპატრა განათხოვარი იყო საკუთარ ორ ძმაზე.
დოლარის”დაშლის”ანუ დახურდავების 293 კომბინაცია არსებობს.
დედამიწის წონა შეადგენს დაახლოებით 6,588,000,000,000,000,000 ტონას.

ოსკარ უაილდის საფლავზე არის სფინქსის ქანდაკება.
გერმანელები ყველაზე მაღლები არიან.
საშუალოდ ქალის გული უფრო სწრაფად სცემს ვიდრე კაცის.
კოცნა უფრო უსაფრთხოა ვიდრე ხელის ჩამორთმევა.


ფრაზები
ქალი დღისით გენიოსია, ღამით ლამაზმანი.
ოპტიმიზმი დაკრეჭილი ღიმილით იწყება, პესიმიზმი კი ლურჯი სათვალით მთავრდება, ორივე კი საბოლოოდ პოზაა.
მომკიდე ხელი და წავიდეთ...ოცნებები თავისით არ ხდება

ეცადე უბრალოდ იცხოვრო, მოგონებები მოხუცებს დაუტოვე.
სიყვარულის ყველა ამბავი ერთმანეთს გავს.
კაცი კაცია, თუ მიატოვებ წამსვე იპოვნის სხვას, ბევრს დაგპირდება, კიდეც გადადგამს მთას, მაგრამ ვერასოდეს ვერ შეასრულებს, ნუ დაუჯერებ მას.. დღეს შეგიყვარებს, ხვალ გაგაღმერთებს, ზეგ კი იპოვნის სხვას.

სიყვარული მუდამ ახალია, რა მნიშვნელობა აქ რამდენჯერ გადაეყრები მას.
იყავ პირველი როცა უნდა უსმინო, და უკანასკნელი როცა უნდა ილაპარაკო.
იყო პატიოსანი არ ნიშნავს იყო რჩეული ათიათას შორის.
არავის უამბო გზები რად გაიყო, რად შევრჩით მე და შენ ცხოვრების დინებას, მე და შენ ვიცოდეთ ლამაზი ზღაპარი.

იდეა-აი რა გეხმარება იყო გამორჩეული სხვებისგან
მიზანს იოლად ააცდენ, ძნელად მოახვედრებ.
უზნეობა საკუთარი თავის უარყოფაა.

ფოტოკრებული

GRACIAS PEP !

GRACIAS PEP ! ♥

✗ მოკლე ბიოგრაფია
✗ ფოტოები
✗ ინფორმაცია მის წასვლაზე

ხოსეპ "პეპ" გვარდიოლა ესპანელი მწვრთნელი და ყოფილი ფეხბურთელია. კარიერის დიდი ნაწილი "ბარსელონაში" აქვს გატარებული. ფეხბურთელობის შემდეგ, გვარდიოლა გახდა ბარსელონას მწვრთნელი. 2008 წლის 8 მაისს, "ბარსელონას" პრეზიდენტმა ჯოან ლაპორტმა პეპე ოფიციალურად დაამტკიცა ამ თანამდებობაზე. პირველ სეზონში, გუნდს მოაგებინა "La Liga", Copa del Rey" და ჩემპიონთა ლიგა, წლევანდელი სეზონში კი გვარდიოლამ და ბარსამ მოიგეს "Supercopa de España", "UEFA Super Cup" და "FIFA Club World Cup" . 2011 წლის 8 სექტემბერს, გვარდიოლა დააჯილდოვეს "Catalan Gold Medal". 2012 წლის 9 იანვარს კი, მიიღო "წლის FIFA მსოფლიო მწვრთნელი"-ს ჯილდო, პეპეს ერგო ხმების 41.92%, მანჩესტერის მწვრთნელს, ალექს ფერგუსონს 15.61%, ხოლო რეალ მადრიდის ხოსე მაურინიოს ხმების მხოლოდ 12.43%.

ფეხბურთის გზას ხოსეპი 6 წლის ასაკში დაადგა. თავიდან, კატალონიის პროვინციის მანრესის საფეხბურთო სკოლაში ირიცხებოდა. 1984 წელს, გვარდიოლას შესთავაზეს "ბარსელონაში" თამაში, მანაც კონტრაქტს ხელი მოაწერა...სწორედ ამ დროს შეაბიჯა პეპემ მსოფლიო ფეხბურთის დიდ სამყაროში. მის პირველივე მატჩში, "ბარსამ" 2:0 მოუგო "კადისს". ორი წლის შემდეგ, გუნდი გვარდიოლას გარეშე წარმოუდგენელი იყო. კრუიფმა გადაწყვიტა, ახალგაზრდა გვარდიოლას ნიჭის ბოლომდე გამოყენება და იგი ჩამშლელ ნახევარმცველად დანიშნა. ამავდროულად, პეპე პლეიმეიკერის როლის შესრულებასაც ბრწყინვალედ ართმევდა თავს, რაც მთელი ფეხბურთის ისტორიაში, უპრეცედენტო შემთხვევაა. პეპე კაპიტანი 22 წლის ასაკში გახდა. პირველივე სეზონში შესამჩნევი იყო გუნდის დიდი წინსვლა. 1992 წელს, "ბარსამ" მოიგო ჩემპიონთა ლიგა. ამავე დროს, გახდა ესპანეთის ჩემპიონი. გვარდიოლამ ერთ-ერთი საუკეთესო გოლი გაიტანა. “ატლეტიკო” მადრიდის კარში დარტყმული ჯარიმა იმდენად ზუსტი და ძლიერი იყო, რომ “ცხრიანში” ბადის უკან მოთავსებული ვიდეო კამერა დაამტვრია. ის მატჩი “ბარსამ” 4-3 მოიგო.

1995 წელს „ბარსაში“ დიდი ცვლილებები დაიწყო. თითქმის ყველა ვეტერანმა დატოვა ბარსელონა და კრუიფმა გადაწყვიტა ახალი გუნდის შენება. პეპეს ბედმა უმტყუნა, მას წარსულში მიყენებულმა სერიოზულმა ტრავმამ შეახსენა თავი და ამის გამო ბევრი მნიშვნელოვანი მატჩი გამოტოვა. „ბარსამ“ მეოთხე ადგილი დაიკავა და ნუნიესმა გადაწყვიტა გუნდიდან გაეშვა იოჰან კრუიფი. ამ ფაქტმა შეაძრწუნა გვარდიოლა და პირადად წავიდა ნუნიესთან მოსალაპარაკებლად. ახალგაზრდა კატალონიელის ავტორიტეტი იმდენად მაღალი იყო, რომ ნუნიესი 3 საათის განმავლობაში განიხილავდა პეპესთან ერთად ამ საკითხს და უხსნიდა 24 წლის ფეხბურთლეს თუ რატომ იყო კრუიფის გაშვება ყველაზე კარგი ვარიანტი. მიუხედავად ამისა გვარდიოლამ მაინც ვერ გადაათქმევინა ნუნიესს. ტრავმების გამო პეპე ვერც ვარჯიშობდა. მან გაუკეთა რეკლამა „კაპას“ და „ვესტას“ ტანსაცმელს. საინტერესო ფაქტია, რომ ყველა ფოტოში პეპე სკამზე ზის, რადგან ტრამვის გამო ფეხზე ვერ დგებოდა. გვარდიოლამ მიიღო მონაწილეობა ჰაიმე ერნანდესის წიგნის „გოთალუნიას“ პრეზენტაციაში. 1996 წლის ევროპის ჩემპიონატიც იგივე მიზეზით გამოტოვა გვარდიოლამ. 1996 წელს ნუნიესმა გუნდში ბობი რობსონი მოიყვანა. ამ დროს, პეპე გამოჯანმრთელდა და შესანიშნავი სეზონი ჩაატარა, მაგრამ ვერ მოახერხა „ლა ლიგის“ მოგება. ნუნიესმა რობსონიც გაუშვა და დაიწყო ახალი მწვრთნელის ძებნა, საბოლოოდ, კი არჩევანი შეაჩერა იმ დროისთვის ყველაზე რეალურ და კარგ ვარიანტზე. მან გუნდში ლუი ვან გაალი მოიყვანა. სწორედ აქედან დაიწყო ჰოლანდიელთა ერა "ბარსაში". 

სეზონი გუნდმა შთამბეჭდავად დაიწყო, თუმცა 6 ჩატარებული მატჩის შემდეგ, გვარდიოლამ ისევ მიიღო ტრამვა და სეზონის ბოლომდე მოუწია მკურნალობა. რეალ მადრიდის თავდამსხმელმა, რაულმა გვარდიოლას გამამხნევებელი წერილი გამოაქვეყნა ოფიციალურ საიტზე. ასეთ მძიმე დროს, პეპეს წინადადებით მიმართა პედრო ალმადოვარმა, მიეღო თავის ახალ ფილმში მონაწილეობა. რეჟისორს ძალიან მოეწონა გვარდიოლას ტიპაჟი ფილმისთვის, მაგრამ გვარდიოლამ უარი უთხრა მონაწილეობაზე მსოფლიოში აღიარებულ რეჟისორს.
1998-1999 წლებში ხოსეპი დიდი ტრიუმფით გვარდიოლა ტრიუმფით დაბრუნდა გუნდში. სეზონი ბრწყინვალედ ჩაატარა მთელმა გუნდმა და განსაკუთრებით კი გვარდიოლამ. „ბარსა“ ესპანეთის ჩემპიონი გახდა, ხოლო პეპე ლიგის საუკეთესო ასისტენტი. ვან გაალს არასდროს ჰქონია კარგი ურთიერთობა რივალდოსთან, მაგრამ უცებ თავი გაანება რივალდოს გაკრიტიკებას და გვარდიოლას მისამართით გააკეტა განცხადება : "გუნდს არ უნდა ჰყავდეს ორი მწვრთნელი, მე კიდევ ისეთი შთაბეჭდილება მრჩება, რომ თითქოს ჩემს გარდა გუნდს გვარდიოლაც წვრთნის. ფეხბურთელები მე კი არა, მას უსმენენ." პეპემ კი ამ განცხადებაზე უპასუხა "მწვრთნელია და მისი გადასაწყვეტია“. ყველაფერი გადაწყდა „სანტიაგო ბერნაბეუზე“, სადაც „ბარსამ“ „რეალთან“ 3:0 წააგო. გვარდიოლა ბოლო წუთებზე გამოუშვა ვან გაალმა მოედანზე და რა თქმა უნდა ამ მინიმალურ დროში ვერ მოახერხა პეპმა ვერაფერი. მატჩის შემდეგ არავინ მოელოდა ვან გაალისგან ესეთ საქციელს. ჰოლანდიელმა პრესკონფერენციაზე ბოდიში მოუხადა გვარდიოლას და ხელი ჩამოართვა.

რამდენიმე დღის წინ გავრცელდა ჭორები რომ პეპე გვარდიოლა "ბარსელონას" ტოვებს. ამ ამბავმა მთელი მსოფლიოს ფეხბურთის გულშემატკივრები შეაძრწუნა. დღეს ეს ინფორმაცია ოფიციალურად დადასტურდა. პეპე მომავალ სეზონში გუნდის მწვრთნელი აღარ იქნება. ასე დასრულდა მისი წარმატებული ერა "ბარსაში". ”ბიჭებო, ”ბარსელონადან” მივიდივარ” - ეს სიტყვები უთხრა მწვრთნელმა ფეხბურთელებს. "ბარსელონას" მომავალი მწვრთნელი ტიტო ვილანოვა იქნება. მან ასე თუ ისე იცის გუნდის თამაშის სტილი და ასევე პეპეს ახლო მეგობარია. "მე გუნდს ვტოვებ, მაგრამ თუ ტიტოს დავჭირდები, მე მის გვერდზე დავდგები."- ეს განცხადება გააკეთა გვარდიოლამ.

"ბარსელონას" ფანები დამწუხრებულები არიან. ინტერნეტში გაჩნდა უამრავი ვიდეო, შინაარსით "პეპ დარჩი" , "მადლობა პეპ". ერთი კი ნათელია - პეპემ უდიდესი წარმატება მოუტანა გუნდს. მისი ერა დასრულდა მაგრამ პეპე ბარსას ფანების გულში სამუდამოდ დარჩება. პეპემ უდაოდ შექმნა ეპოქა, რომელიც ბევრის შთაგონებაა. ეს არის ადამიანი, რომელმაც ყველას შეაყვარა თავი. GRACIAS PEP !