იქნებ მართლაც რომ მსოფლიო შედევრია, და მხოლოდ მატერიალურად შეძლებულებს აცვიათ. NO NAME-ში ხომ 300 ლარი ღირს? ეს უხარისხო, საღებავ გადასული, თხელძირიანი ნაგავი? ესეიგი მასში არის რაღაც რასაც ჩვენ უგემოვნო ადამიანები ვერ ვხედავთ, რაღაც რასაც მხოლოდ "თბილისური ელიტა" თუ განჭვრეტს. განსაკუთრებით ზამთარში როგორი თბილია?! არა? მაშინ ნახევარი თბილისი რატომ დადის ბენ სიმონებში ზამთრის გაყინულ დღეებში? ააა, მივხვდი სილამაზე ხომ მსხვერპლს მოითხოვს! თან როგორი სილამაზე, ბენ სიმონური! თბილისელები ხომ გენიოსები ვართ, მსოფლიოში შეუმჩნეველი (შეიძლება ასე?) შედევრი შევნიშნეთ რომელიც უცხოეთში მხოლოდ 30 ევრომდე თუ ღირს.
ვერ ვხვდები რატომ არის ბენ სიმონ-ებში სიარული კარგი ტონი. რატომ უნდა გადაყარო 300 ლარი! აქ თუ Bენ სიმონები iphone-იანებს აცვიათ, იქ საქართველოს გარეთ: ფერმერებს, გამყიდვლებს, დამლაგებლებს. ჩვენი მოდაც ალბათ ჯერ ფერმერების დონეზეა. წარმოიდგინეთ უცხოელებსაც ჩვენ ნაირად რომ გაუნათდეთ გონება: BEN SIMON! ფერმერები ხომ "ფეშენ აიკონები" გახდებიან??? ვინმე ბენ სიმონიანი შეიცხადებს: "აუ გოგო, Fერმერს მადარებ? აუუ" უკაცრავად, ვის შეგადაროთ სანდრა ბულოკს თუ ანჯელინა ჯოლის? ვერც მოდის კვირეულმა გვიშველა და ვერც VOGUE-მა, რა ვქნათ. მაინც თავდავიწყებით გვიყვარს "ბენები", მათ გახდას არ ვაპირებთ! არასდროს! გაიცვითოს! მაინც ! არ ! გავიხდით! უკაცრავად რომ გაწყეტინებთ მაგრამ რომ იყიდეთ მაშინაც არ იყო გაცვეთილი? ::)
No comments:
Post a Comment